新词翻译基本上有以下的四种理路：「音译」、「义译」、「借汉字」、「延伸」

①音译

以台语有的音韵规则转译外语的词汇，通常会写罗马字。

翻译理路济济种，产生的选项就有百百款，佗一种翻译较妥当咧？基本上咱有以下三个标准通好做参考佮讨论：

①精确性

这个词汇敢有倚近伊的意思？接近的概念阁欲按怎区分？

②传播性

这个概念若按呢讲，人敢会随听随有？讲起来敢有绁拍？

③主体性

这个词汇敢有台语的特色？讲起来敢有台语气？

每一个翻译拢有伊家己的优点佮缺点，通常音译的词佮借汉字的词会较精确的对应原文，毋过较欠缺主体性。义译会较有主体性，毋过无一定精确，传播性嘛爱看款。

有当时仔，直接讲华语抑是英语嘛是一种选择，伫目前社会的语言现实是诚普遍。直接讲华语抑是英语定定是传播性上强的，多数人会晓华语佮英语的前题致使讲华语佮英语「人听较有」。

毋免硬欲翻，讲X语就好矣

针对新兴词汇，人定定会讲类似顶面的言论，毋过语言若一直阁按呢落去，就会渐渐失去主体性佮活力。