新詞翻譯基本上有以下的四種理路：「音譯」、「義譯」、「借漢字」、「延伸」

①音譯

以台語有的音韻規則轉譯外語的詞彙，通常會寫羅馬字。

翻譯理路濟濟種，產生的選項就有百百款，佗一種翻譯較妥當咧？基本上咱有以下三个標準通好做參考佮討論：

①精確性

這个詞彙敢有倚近伊的意思？接近的概念閣欲按怎區分？

②傳播性

這个概念若按呢講，人敢會隨聽隨有？講起來敢有紲拍？

③主體性

這个詞彙敢有台語的特色？講起來敢有台語氣？

每一个翻譯攏有伊家己的優點佮缺點，通常音譯的詞佮借漢字的詞會較精確的對應原文，毋過較欠缺主體性。義譯會較有主體性，毋過無一定精確，傳播性嘛愛看款。

有當時仔，直接講華語抑是英語嘛是一種選擇，佇目前社會的語言現實是誠普遍。直接講華語抑是英語定定是傳播性上強的，多數人會曉華語佮英語的前題致使講華語佮英語「人聽較有」。

毋免硬欲翻，講X語就好矣

針對新興詞彙，人定定會講類似頂面的言論，毋過語言若一直閣按呢落去，就會漸漸失去主體性佮活力。